ငြိမ်းချမ်းရေးဆီသို့

ကလေးဘ၀..
အတွေးချကြည့်တော့
ညအခါ လသာသာတဲ့
ပျော်ခဲ့ဘူးတဲ့ညတွေ
မော်ခဲ့ဘူးတဲ့ လတွေ
ပြန်တွေးကာ အောက်မေ့လို့
အဝေးတစ်နေရာစီက
အရိပ်လေးတွေရယ်....

ခေတ်သစ်တော်လှန်ရေးတဲ့
ဒုန်းဒုန်း ဒက်ဒက်
အုန်းအုန်းကျက်ကျက်ကမ္ဘာကြီးထဲက
ချနင်းခံသားကောင်တွေနဲ့
ကလေးငယ်တွေအတွက်
သာလာမဲ့လတွေက ဘယ်ဆီမှာများလဲ
မျှော်လွန်းသူ မောလှပါတယ်လေ

အေးချမ်းတဲ့ မြို့ပြတွေ
ဒီမိုကရေစီအရေးတောင်းဆိုလို့ချွေ
ပေါ်လာတဲ့အလင်းသစ်တွေနဲ့ဝေ
ကျေးလက်တွေဆီမှာတော့
ဒုက္ခပင်လယ်ထဲမှာကျီးလန့်စာစား
အသက်မပျောက်ဘို့အရေး
သက်ေ၇ာက်မဲ့အကျိုးဆက်နဲ့
လူနေမှုဘ၀ထဲကဘေးထွက်
သွေးပျက်နေတဲ့ နေ့တွေများလှပါတယ်လေ...


မနာမကျန်းဖြစ်နေတဲ့ ကမ္ဘာတခြမ်းမှာ
ငါတို့ ခြေလှမ်းတွေ လှစေဘို့
အတူလျှောက်လှမ်းကြစို့
မတူညီတဲ့ ယုံကြည်ချက်တွေနဲ့
မတူညီတဲ့ အသက်ရှင်မှုတွေကြား
တူညီတာတစ်ခု ရင်မှာပြုလို့ ပြောလိုက်ဦးမယ်
ငါတို့အသွေးအသားတွေ တူတယ်
တစ်မြေတည်းနေ တစ်ရေတည်းသောက်
တစ်မိုးအောက်မှာ အတူနေခဲ့ရပေမယ့်
ဘယ်သူသေသေ ဆောင်ပုဒ်တစ်ခု
လက်ကိုင်ပြုလို့ နေခဲ့သူတွေအတွက်
စတေးခဲ့ရတာ ဘယ်လောက်တောင်များလည်း...

စိုက်ပျိုးရေးနိုင်ငံကြီးထဲသိမ်းလိုက်တဲ့ မြေဧကတွေ
ရိုးရိုးသားသားနဲ့
ကြိုးကြိုးစားသားနေရတဲ့ တောသူတောင်သား
ဦးကြီးများတို့ရေ
လောဘခေါင်းပေါ်တင် ငွေနဲ့တန်ဘိုးဖြတ်
ဦးကြီးတို့ရဲ့ ချွေးတွေအတွက်တော့
တန်ဘိုးမသတ်မှတ်ပါနဲ့
ရာဇ၀င်ရိုင်းလို့ပါ

မတူညီတဲ့ယုံကြည်ချက်တွေနဲ့
ခံယူချက်တွေ မတူညီကြတဲ့လူတွေ
ငြိမ်းချမ်းရေးဆိုတဲ့အလင်းထဲကို
အတင်းသိမ်းသွင်းလို့မရသလို
တဖက်စောင်းနင်းအတွေးတွေ ဖယ်ထုတ်
အကောင်းမြင်တတ်တဲ့ဝါဒလက်ကိုင်ထားလို့
လူတိုင်းရဲ့ရင်မှာမျိုးစေ့ချ ရှင်သန်နိုင်ပါစေ...

^လူစိုး^